Төрөл бүрийн өнгийн дэглэм олон байдаг. Гол зарчим нь зөвхөн нэг өнгийн хүнсээр хооллох. Өнгийн дэглэмийг америкийн хоолны эмч нар зохиосон гэдэг.

Хэрэглэх заавар

Зөвхөн байгалаасаа ногоон өнгөтэй байдаг хүнсийг л хэрэглэнэ. Будагтай шүүс ундаа зэргийг ууж болохгүй. Өргөст хэмх, ногоон сонгино, ногоон вандуй, бүх төрлийн байцаа, ногоон чинжүү, ногоон усан үзэм, ногоон алим, киви гэх мэт ногоон өнгөтэй жимс ногоог хүссэн байдлаараа боловсруулж, эсвэл түүхийгээр нь иднэ. Амтлагч ногоонууд мэдээж бас ногоон байх хэрэгтй. Давс хийхгүй. Ус юм уу ногоон цай ууна.

Үр дүн

Жимс ногоо илчлэг багатай байдаг тул маш сайн турна. 5 хоногт 4кг хүртэл турах боломжтой. Үүнээс урт хугацаагаар энэ дэглэмийг барьж хэрэггүй. Учир нь та уураг болон нүүрсхүчний дутагдалд орж ядрах, толгой өвдөх, нозоорох байдалд орж магад. Хэрэв та спортоор хичээллэдэг бол булчин тань суларч тонусаа алдсаныг шууд анзаарна.

Давуу талууд:

-Зуны улиралд зуслан дээрээ жимс ногоо тарьж амьдардаг хүмүүст маш тохиромжтой. Зун хүртэл хүлээнэ гэдэг нь л жаахан тиймхэн.

-Ногоон дэглэмийг барихад өлсдөггүй: зөвшөөрөгдсөн хүнсийг хүссэн цагтаа идэж болно. Гэхдээ хэт их идээд байж хэрэггүй, ходоод тань суначихна шүү.

Сул талууд:

-Ногоон хүнсний нэлээд нь ходоодонд хүнддэг талтай. Өтгөн хатах, гэдэс цэрийх зэрэг үзэгдэл илэрч магадгүй юм.

-Хавар энэ дэглэмийг барихад үнэтэй тусдаг. /Ногоо үнэд орсон байдаг/.

-Биеийн тамир, дасгал хийдэг хүмүүс энэ хугацаанд үүнээсээ татгалзахаас аргагүй байдаг. /Бие сулраад ядраад байдаг/.