Зөгийн балан дэглэм гэхээр дураараа зөгийн бал идээд л суугаад байна гэж бодож байгаа бол эндүүрэл! Зөгийн бал хэдий байгалийн гаралтай ч гэсэн чихэрлэг эд болохоор таргалуулах үйлчилгээтэй. Энэ дэглэмийн үед бусад дэглэм шиг стандарт тураах хүнс л хэрэглэнэ, харин аятайхан нэмэлт нь зөгийн бал юм.

Хэрэглэх заавар

Дэглэмд зөвшөөрөгдсөн хүнс бол тослог багатай тараг, аарц, жимс, ногоо, дээр нь зөгийн бал. Уух юм нь цай, ус, чихэрлэг бус шүүснүүд бага зэргээр байж болно. Хүүхдэд зориулсан шүүснүүд болон өөрөө шахсан шүүснүүд чихэрлэг багатай байдаг. Өдөрт 5 удаа хооллоно, хоол болгоныхоо дараа зөгийн бал иднэ. Өдөрт 150 граммаас илүү идэж болохгүй. Жимс, ногооны өдрийн норм 200, 200 грамм. Сүүлчийн хооллолт унтахаас 4 цагийн өмнө байх хэрэгтэй. Хэрэв та энэ дэглэмийг хэрэглэе гэж байгаа бол ойрын 14 хоногт дараахь байдлаар хооллоорой.

Өглөө: 150 гр тосгүй аарц, 1 цайны халбага зөгийн бал. Эсвэл нэг өндөгний шарыг цайны халбага зөгийн балтай хутгаж идэх. Нимбэгтэй цай, 1ш алим.

Бага үдэд: нэг аяга тослог багатай тараг, шүүс.

Өдөр: 200 гр чанасан цэцэгт байцаа, 200 гр алим, зөгийн балтай цай. Эсвэл, 200гр байцаа, 50гр. бяслаг, зөгийн балтай цай.

Их үдэд: 1ш. жүрж.

Орой: аяга тараг, 1 ц/х зөгийн бал. Эсвэл 1 аяга ногооны шөл, 1 алим, зөгийн бал. Эсвэл, лимоны шүүсээр амталсан ногооны салат, зөгийн бал, цай.

Гол нь уураг бүхий /өндөг, аарц, бяслаг/ хүнс хооллолт өдөрт нэг л удаа байх хэрэгтэй.

Үр дүн

Дэглэмийг 14 хоног сахихад 6 кг хүртэл турах боломжтой. Хэрэв таны жин хэвийн жингээс хэт их байсан бол илүү их турна. Харин хэвийн жингээс 6-8 кг л илүү байсан бол 2-3 кг л турах болно.

Давуу талууд:

-Ихэнх дэглэмд хориотой байдаг чихэрлэг амттан- зөгийн балыг айж ичихгүйгээр идэж болно. Ингэснээр та хангалттай хэмжээний нүүрсхүчил авч сэргэлэн цовоо байх бөгөөд танд ядарч туйлдах байдал мэдрэгдэхгүй.

-Цэцэгт байцаа С витамин болон бусад чухал бодисоор баялаг бөгөөд бусад төрлийн байцааг бодвол ходоод гэдсэнд дарамт болдоггүй сайн талтай.

-Зөгийн бал эрүүл мэндэд хэрхэн сайнаар нөлөөлдөг талаар хэн хүнгүй мэднэ.

Сул талууд:

-Энэ дэглэм мах идэхийг хатуу хорьдог тул “махчин” улсуудад их хэцүү байдаг.

-Зөгийн балд харшил өгдөг хүн цөөнгүй байдаг тул энэ дэглэм тохирохгүй.