Энэ дэглэмийг бас 4 хоногын гэж нэрлэдэг. Энэ 4 хоногт маш их үр дүн өгдөг. Харин тэр үр дүнд хүрэхийн тулд нэлээн тэсэх хэрэгтэй гэдгийг шууд хэлье. Та үнэхээр тэсвэр хатуужилтай байж л энэ 4 өдрийг давна. Чанадаг натурал кофег чихэр, сүүгүй ууна.

Хэрэглэх заавар

1 дэхь өдөр: Өглөө- 2 ш. чанасан өндөг, кофе,1ш жүрж.

Өдөр- усанд дэвтээсэн хар чавга 8ширхэг.

Орой- 1ш. чанасан өндөг, 1ш. жүрж.

2 дахь өдөр: Өглөө- кофе, 100 гр. тослоггүй бяслаг

Өдөр- 1ш. чанасан өндөг, 1ш. жүрж.

Орой- 1ш. алим юмуу лийр, 1 аяга сүү.

3 дахь өдөр: Өглөө- аяга цай.

Өдөр- 1ш. улаан лооль+1ш. өргөст хэмхний салат.

Амтлагч хийхгүй. 100 гр. бяслаг.

Орой- 1 аяга сүү.

4 дэхь өдөр: Өглөө- сүүнд дэвтээсэн мюсли.

Өдөр- өргөст хэмх, улаан лоольны салат.

Орой- 2ш. жүрж.

Үр дүн

Ингэж хооллосны үрээр та 4-5 кг хасна. Дахиж хэрэглэхээр шийдвэл 2 сарын дараа л хэрэглээрэй.

Давуу талууд:

-Мөнгө болон цаганд маш хэмнэлттэй дэглэм.

-Энэ дэглэм илчлэг багатайгаас гадна ходоодонд бага зай эзлэх учир 4 хоногын дараа таны ходоод овоохон агшина. Тэгэхээр та бага идэхэд л ходоодоо дүүрсэн байгааг мэдэрч өөрийгөө хянаж чаддаг болно

Сул талууд:

-Их өлсгөдөг дэглэм, тэсэхэд бэрх. Буцаад энгийн хооллолтонд шилжихэд хаягдсан жин маш хурдан “буцаж ирдэг”. Тиймээс энэ дэглэмийг шаардлагаар л хэрэглэхэд болно. /Баяр цэнгүүнд орохын өмнө, эсвэл баяраар хэт их идсэнээр жин нэмсэн бол/.

-Амин дэм ба бичил элементээр ядуу бөгөөд зөвшөөрөгдсөн хэмжээ их бага учир ходоодны өөрчлөлттэй хүмүүст тохиромжгүй, шархтай ч болж мэднэ.