PDF Хэвлэх И-мэйл
Эрчүүддээ юу бэлэглэх вэ?
Хэрэглэгчийн үнэлгээ: / 4
МууМаш сайн 

erbelegЭрчүүддээ бэлэг сонгох цаг боллоо.

Юун түрүүнд анхаарах зүйл бол – түүний хэрэглээний хандлага ямар вэ: уламжлал дагадаг уу, өөрийн хүрээнийхнийхээ моодыг дагадаг уу, эсвэл зөвхөн дур сонирхлоороо байдаг уу? Магадгүй, сонирхол нь байнга солигдож байдаг уу? Этгээд хийцтэй зүйлд дурладаг уу? Үүнийг нь мэдэж бэлэгнийхээ хийц “стиль”- ийг тодорхойлоод авбал зүгээр.

Эрчүүдэд бэлэглэдэг уламжлалт бэлэг бол, мэдээж, цаг, сахлын машин, хэрэгсэл, үнэтэй асаагуур, бүс, түрийвч, түлхүүрийн сав гэх мэт байдаг. Ажил дээрээ хэрэглэх бичиг хэрэгслийн зүйл, хоббитой нь холбоотой зүйл байхад ч болохгүй юм үгүй. Харин,  дотнын хүн чинь л биш бол, хувцас болон бусад дотны бэлэг бэлэглэх нь ёс зүй болон эрүүл ухаанд нийцэхгүй гэж үздэг.

Дотнын хайртай хүндээ өгөх бэлэг бол таны сэтгэлийн гүнийг харуулсан бэлэг байж болно, байх ч ёстой. Тиймээс, үнэт эдлэл зэргийг бэлэглэж болох. Өөрийнх нь төрсөн ордын чулуугаар чимэглэсэн бэлэг байвал эр хүн дуртай байх нь дамжиггүй. Мөн өөрийн гараар хийж бүтээсэн зүйл ч доогуур үнэлэгдэхгүй, магадгүй бүр үнэлж баршгүй бэлэг болж ч болох.

Ер нь эрчүүд бидний санаанд ормооргүй зүйлд дурлан хүсч мөрөөдөж байдаг. Нэг  удаа манай офисын эрчүүд сэлэмний тухай яриа үүсгээд... бүгдээрээ нүд нь гялалзаад, сэтгэл нь хөөрөөд явчихсан, яг л жаахан банди нар шиг байсан шүү. Сэлэм бэлэглэвэл ямар ч эр хүн дуртай байх юм билээ, тэд ч тэгэж байсан.

Би нэг удаа нөхөртөө тамхи ороодог машин бэлэглэсэн юм, яахав дээ тоглог гээд. Тэр минь яг л хүүхэд шиг түүгээрээ тоглон баярлаж байсан. Найзуудаа ирэхээр тамхины машинаа гаргаж ирээд бүгдээрээ тамхи ороож тоглоно: хэн нь илүү гоё тамхи хийх вэ гээд, яг л жаахан хүүхдүүд гэсэн үг. Түүнд бас нэг танил нь дрель бэлэглэж байсан. Нөхөр минь дрелийг тамхины машинаасаа олон удаа хэрэглэнэ гэдэг юу л бол, гэхдээ, эр хүний хэрэгсэл гэдэг утгаараа мөнөөх сэлэмний хэмжээнд очиж байх шиг байна лээ, их баярлаж байсан. Саяхан багын найзынх нь төрсөн өдөрт очих гээд бэлэгний асуудал босч ирэхэд нөхөр маань: “Сергейд яг таалагдах бэлгийг би мэдэж байна - орчин үеийн, ширээний хоккей! Бид хоёр хүүхэд байхдаа байр, сургуулийнхаа аваргууд байсан юм чинь...” За, ашгүй дээ, нөхөртөө авч өгөх дараагийн бэлгээ мэдэж авлаа, харин Сергейд өөр зүйл авч өгнөө.

Эрчүүдэд бэлэглэх бэлгийн нэр төрөл хэдий цөөн ч, фантаазаа нисгэх орон зай бол хангалттай. Универсал тонгорог хутга. Ус нэвтэрдэггүй гар чийдэн. Халаасны үнсний сав. Супер – пупер, этгээд даруулгатай суран бүс. Дуран. Бусад, ихэнх цагаа офист өнгөрөөдөг хүнд огт хэрэгцээгүй “балай” зүйл. Гэхдээ л, халаас, цүнх, гэртээ иймэрхүү жинхэнэ эр хүний эдлэлтэй хүн өөрийгөө жинхэнэ эр хүн гэдгээ байнга мэдэрч байх болно. Адал явдлаар дүүрэн амьдрал урд нь хүлээж байгаа банди хэмээн өөрийгөө бодно гэсэн үг.

Жинхэнэ эр хүнд бэлэглэж болох эд зүйлс:

- Спортоор хичээлэхэд хэрэг болох зүйлс: төхөөрөмж, хэрэгсэл, спортын хувцас, сургалтын видео, ном.
- Хоббид нь хэрэг болох зүйлс: загас ан агнуурын хэрэгсэл, мужааны багаж, сийлбэрийн хутга, зургийн аппарат, компьютерийн шинэ хэрэгсэл.
- Бэлэг дурсгалын зориулалттай, чамин хийцтэй ширээний тоглоом: шатар, даам, даалуу, хөзөр г.м.
- Үнэтэй чамин бичгийн хэрэгсэл: ширээний хэрэгсэл, үзэг, органайзер, тэмдэглэлийн дэвтэр, хавтас.
- Түрийвч, нэрийн хуудасны хавтас.
- Цаг, бээлий.
- Гаанс, тамхины хайрцаг, асаагуур, үнсний сав.
- Үнэтэй сигар, дарс, коньяк, үнэтэй сортын цай, кофе.
- Алт мөнгөн эдлэл.
- Хувцас, хэрэглэл: үнэтэй сорочкан цамц, зангиа, хүзүүний алчуур, ороолт.
- Сахал хусах хэрэгсэл, үнэртэй ус гэх мэтийн эрэгтэйчүүдэд зориулсан гоо сайхны зүйл.
- Томилолт, аялалаар их явдаг хүмүүст: аялалын цүнх, аялалын сэрүүлэгтэй цаг, халуун сав, мини – ус буцалгагч.
- Дуртай кино хамтлаг зэргийнх нь DVD, тоглолтын билет, дуртай зохиолчийнх нь шинэ ном, дуртай сэтгүүлийнх нь захиалгын баримт.
- Автомашины хэрэгсэл: автокосметик, хүрдний бүрээс, тоглоом г.м.
- Цуглуулганд нь нэмэрлэх зүйл.
- Оюутан залууд – оюутан охиноос: түүний өмнөөс курсын ажлыг нь хийж өгөх.
- Баярын зоогонд урих.

Бэлэг сонгох амаргүй ажил. “Энэ ч зүгээр юм уу “, - гээд үзэж байснаа ямар нэгэн шалтгаанаар авахгүй байх нь нийтлэг үзэгдэл. Тухайн бэлгийг авахгүй татгалздаг “буруу шалтгаануудыг”  авч үзье.

- Түүнд ийм юм байгаа. Яадаг юм тэгээд? Дахиад нэг, өөр дизайнтай загасны уурга / дэгээ, нөгөө нэг гялтганаад байдаг юм чинь юу гэдэг билээ?/ зэргээс ямар ч загасчин татгалзахгүй шүү дээ.
- Тэр үүнийг хэрэглэж мэдэхгүй. Сураг л дээ!  Машин аваад өгчихсөн байхад жолоодож чадахгүй гээд суугаад байх хүн байхгүйтэй л адил!
- Түүнд зохихгүй байх. Сайн чанарын хувцас бол ямар ч биенд зохидог.
- Түүний имижэд зохихгүй. Имиж, зүс царайг нь сайжруулан шат ахиулахаар эд бол сайхан бэлэг болно оо.
- Хэтэрхий энгийн бэлэг болчихно. Практик сэтгэлгээтэй эр хүн өөрөө ч сая сая улаан сарнай бэлэглэхгүй, өрөөлөөс ч иймэрхүү юм хүлээдэггүй.
- Хэтэрхий хямдхан бэлэг болчихно. Сайн л биз дээ, мөнгө чинь хэмнэгдэнэ. Тэгээд ч бэлэг тань таалагдах юм бол үнийг нь сонирхохгүй шүү дээ.
- Хэтэрхий үнэтэй байна. Хайртай хүнээсээ харамлах нь уу? Танаас мөнгөө харамлаад хямдхан бэлэг өгөөд байвал танд таалагдах уу?

Ер нь бол эр хүнд өөрийг нь жинхэнэ эмэгтэйн дэргэд байгаа жинхэнэ эр хүн гэдгийг нь мэдрүүлж чадвал – энэн шиг сайхан бэлэг гэж үгүй. Шилдэг бэлэг – сэтгэлийг нь эзэмдсэн бүсгүй шүү дээ. Хэрэв бүсгүй та эрэгтэй хүнд сайхан сэтгэгдэл төрүүлж чадахгүй бол ямар ч бэлэг та хоёрын харьцааг лавшруулж чадахгүй гэдгийг санаарай. Тиймээс, үргэлж сайхан инээмсэглэж яваарай!

Орчуулсан Ё. Одончимэг, www.orosshkolton.mn

 

Сэтгэгдлүүд  

 
dejee
-2 #1 dejee 2010-03-15 05:52
dajgvi sanaa bn shvv bayrallaa
Quote
 
 
BIL
0 #2 BIL 2010-03-15 07:32
Goy ymaa. Yr ni beleg avah durgui hun gej bdaggui. Bi eregtei hunii huwid heterhii engiin mortloo bas, hainga. Tiim bolohoor oor naizuuddaa belegleed alga bolchih zuil belegledeggui. Hamgiin gol ni ter hundee heregtei bgaa zuiliig ni medeed ogwol tom ch bai, jijigch bai saikhan beleg boldog. Minii huwid ter huuhed nasni togloom beleglewel neeren goy sh dee. Baga nasaa dursaad, selem ogwol uneheer bayarlanaa. Gehdee nom unshdag hund nom ogoh shig saikhan zuil haana bna.
Quote
 
 
saagi
+1 #3 saagi 2010-04-06 07:43
mmmmmm dajgui sho :goydoo
Quote
 
 
naraa
+1 #4 naraa 2011-03-16 02:57
mash goe zuvulguu bna bayarllaa
Quote
 
 
inchka
0 #5 inchka 2011-12-29 08:24
hehe goy zuwluguu bn. hereg bolood bsiin tnx
Quote
 
 
boloroo
0 #6 boloroo 2012-08-01 09:13
Eooe neeree goy sanaa bna shuu
Zagasnii uurag awch ogno oo
Quote
 
 
togoldor
0 #7 togoldor 2013-08-15 06:43
Америкаас ирсэн 15x70-тай таталт маш сайн rubi lens-тэй шинэ дуран зарна. Бүх юмтайгаа.
Ан ав болон спорт аялалд мөн эрэгтэй хүнд бэлэглэхэд тохиромжтой
Үнэ:200
Утас: 96628470
Баруун 4н зам
Quote
 
 
tserenhand
0 #8 tserenhand 2013-11-18 08:22
goe zuvulguu bna dahiaj nemj bicherei
Quote
 
 
248
0 #9 248 2013-12-06 13:58
Unen ug bn bas unertei us yagad beleglej bolohgui gh
Quote
 
 
248
0 #10 248 2013-12-06 14:01
Or yu ogwol dre we zowolgoo oogoch :hums :-* humusee
Quote
 
 
jizzel
0 #11 jizzel 2014-01-22 03:39
Unheer goe sanaa bn lee. Thanks. Dahiad goe goe sanaa bicheeregp
Quote
 
 
B
0 #12 B 2014-04-10 18:55
Цаг л өгдөг юм уу даа. Хонхны баярын бэлэг юм чинь ажил дээр гараад хэрэг болох байлгүй дээ?
Quote
 

Сэтгэгдэл нэмэх