Хүний эрүүл энх урт удаан наслах нөхцлийг бүрдүүлэгч хамгийн чухал хүчин зүйлүүд бол:

•   Цэвэр агаар
•   Цэвэр ус
•   Натурал хүнс

 Орчин үеийн, хотжисон бидэнд энэ хүчин зүйлүүд олдохоо байсан нь ойлгомжтой. “Өө, мөрөөдөөд ч  бүтэхгүй юм чинь, өнгөрсөн хорвоо...” гээд суугаад байлтай нь биш гээд дээрх хүчин зүйлүүдийг бий  болгохын тулд чадах чинээгээрээ л арга хэмжээ авдаг юм, би л лав... 10 жилийн өмнөхийнхийг бодвол  цэвэр усны асуудал амархан шийдэгддэг болсон байгаа. Захиалаад л авчруулчихна. Эсвэл ус шүүгч аваад тавьчихна гэж үү? Болно, болно, гэхдээ лав л Монголоос биш юм билээ. Монголд худалдаалагдаж байгаа ус шүүгчнүүдээс гарч байгаа усыг хэмжээд үзэхээр крантны устайгаа ижил шахуу л байдаг.

Усанд уусдаггүй бодиснуудыг шүүдэг бололтой, харин уусчихсан байгаа элдэв хэрэггүй давс – хогнуудыг шүүж чаддаггүй шүүгчнүүд бол Монголоор дүүрэн байна даа. Гэтэл, усанд ууссан “хогыг” шүүх нь л чухал шүү дээ? За тэр яахав, би Монголд зарагдаж байгаа ус шүүгчнүүдийг муулах гэж энэ яриаг эхлээгүй. Цэвэр усны ач холбогдлыг хүмүүс ойлгож, ойшоохгүй байгаад санаа зовж явдаг болохоор энэ талаар хэдэн үг хэлье гэсэн юм. Зарим нь аягүй сайн ойлгоод байгаа хэрнээ л өвчнөө /крантны усаа/ нэмж уугаад л... эмийн сан, эмнэлэг хоёрт орлого оруулмаар байдаг юм уу гэлтэй. Тийш өгдөг мөнгөө цэвэр усанд зарж өөртөө орлого оруулбал дээр баймаар? Би арваад жилийн өмнө өр зээл тавьж байгаад 1200 доллараар ZEPTER-ийн ус шүүгч авч тавьсан, одоо болтол манай гэр бүлийг цэв цэвэр усаар хангаж байна. Хоол цай бүх юмаа цэвэр усаараа хийдэг. Амьдралдаа хийсэн хамгийн зөв худалдан авалт гэж хэлнэ. Манай ZEPTER 200 мг/л “хог” ууссан байгаа усыг 4 мг/л болгоод гаргадаг, 100 мг/л дотор байгаа усыг бүр 0 - 2 болгодог. Юу ч уусаагүй, зөвхөн H₂ O болсон гэсэн үг. Гадуур зарагдаж байгаа шүүгчүүд 200 - тай усыг үсрээд 180 мг/л болгодог, зарим нь бүр нэмж бохиртуулаад 220 - 250 болгоод гаргана гээч? Шүүлтүүрийг хийсэн материалаас ус руу “хог” нэмэгдэн ууссан байна гэсэн үг.За энэ ч бас яахав, гол асуудал руугаа оръё.

Та нэг бус удаа “хүн эрүүл байхын тулд өдөрт 1,5 – 2 литрээс доошгүй хэмжээний ус ууж байх хэрэгтэй” гэж сонссон байх. Зүгээр ч нэг ус биш, сайн чанарын цэвэр ус шүү! Луи Пастер байхаа, “Хүн өвчнийхөө 70 % - ийг уудаг” гэж хэлсэн байдаг? За хэн хэлсэн нь чухал биш, хүн ууж байгаа юмнаасаа бүх өвчнийхөө 70% - ийг олж авдаг гэсэн утга нь л чухал! Ус бол бидний организмд явагдаж байдаг бүх процессд оролцдог. Бидний идсэн хоол унданд буй тэжээл болон хор зөвхөн ууссан байдлаар цусанд шимэгддэг. Тэгээд ч амьд организмын 70 орчим хувь нь – ус. Тархины 90 хувь нь – ус. Бохир, өөрөөр хэлбэл хатуулаг ихтэй усанд ууссан байдаг элдэв давснууд судасны ханан дээр тогтож үлдсээр нас ахих тусам бидний судас гэж яг л зэвтэй труба мэт дотор тал нь өнгөр тогтсон юм болно. Ус буцалгагчны дотор тогтдог шиг. Дотор нь өнгөр тогтсоноор судас хатуу болно, өөрөө хэлбэл, судасны хатуурал гээч нь болж байгаа нь тэр.Нарийн судаснуудын доторхи өнгөр нэмэгдэхийн хэрээр цус гүйх зай нь нарийсна, тэгэхээр физикийн хуулиар цусны урсах хурд өснө – судасны хананд өгөх даралт өснө – даралт өсөхөөр сунах чадваргүй хатуу болсон судас хагарна. Биен дээр цус хагарвал - хөхрөөд л өнгөрнө, харин тархинд! Зүрхэнд! Мөн судас нарийссанаар эд эсүүдэд очих хүчил төрөгч багасна – толгой өвддөг болно, мартамхай болно, бүр зөнөг ч болно.  Хөгшин хүний, тархийг тэжээгч нарийн судаснууд бараг тал нь таг битүүрсэн байдаг гэсэн. Судас тань цэвэр байвал та залуу байна гэсэн үг гэдэг.Бас хүн хөгшрөхөөр үенүүдийн холбох нэхдэсүүд мөн хатуурдаг, “яс ургадаг”, шохойждог гээд олон асуудал гардаг, энэ ч мөнөөх хатуу усны өнгөр бууж цугларсны гай. Ус - эрдэнэ тэжээлийн бодисыг өөртөө шингээж зөөвөрлөхөөс гадна организмын бодисын солилцооны явцад үүсдэг хортой бодиснуудыг мөн л өөртөө шингээн гадагшлуулж өгдөг. Тиймээс бие организмаа цэвэр усаар тэжээж байх нь эрүүл байхын нэгэн үндэс гэдэг нь ойлгомжтой. Зарим хүн эрдэсгүй ус уух муу гэж боддог, тэгэж хэлэх эмч ч цөөнгүй. Органик хэлбэрийн эрдэс л хүний биед шингэж тэжээхээс усанд ууссан зэв, зэсийн байван, нефть бүтээгдхүүн тэжээхгүй. “Хүний биед төмөр хэрэгтэй биз дээ, зэвтэй ус муугүй юм биш үү” - гэх ч хүн байдаг. Мах, жимс ногоонд байдаг төмөр, хадаасны төмөр хоёр өөр шүү дээ. Төмрийн дутагдалд орсон хүнийг төмөр хүлхээд бай гэдэггүй биз дээ? Крантны усанд байгаа органик эрдэс өчүүхэн бага, түүнийг авах гэж хажуугаар нь өчнөөн хог ууж байснаас, цэвэр ус уугаад, харин тэжээлийн бодиснуудаа хоол хүнснээсээ авч байсан нь дээр байх аа.

Бидний крантнаас гарч байгаа ус хаанаас, ямар замыг туулан байж ирдгийг бодож үзье. Жил ирэх тусам ус улам л бохиртож байгаа: гол мөрөн рүүгээ бид юу хийж байна? Тариалангийн талбай дээр хичнээн химийн бордоо, шавьж устгах хор цацаж байна? Бензин тос энд тэнд асгана бас? Хүмүүс бидний үйлдвэрлэж байгаа хог хаягдлыг тоолоод баршгүй.Энэ бүхэн газрын хөрсөөр нэвчин гол горхи руу ч, гүний ус руу ч орж байгаа. Мэдээж, чадах чинээгээрээ цэвэрлээд, хлороор ариутгаад бидэн рүү явуулж байгаа л даа...1970 – аад он хүртэл усыг хлороор ариутгах нь хоргүй гэж үздэг байсан, харин одоо өөрөөр ярьж байна. Усанд ууссан хлор бусад бодистой нийлэхээрээ хэдэн мянган төрлийн хлор – органик нэгдлүүдийг үүсгэдэг, харин тэр нэгдлүүдийн 80% нь хорт хавдар үүсгэх чадвартай энэ тэр гээд...Гэлээ гээд яалтай билээ? Хлороор ариутгахгүй бол элдэв халдвар тарж, бүр хурдан үхнэ шүү дээ...За ингээд энэ ус бидний гэрт орж иртэл хэдэн км зэвтэй трубагаар явж байгааг бодох хэрэгтэй, замдаа тааралдсан бүхнийг өөртөө шингээгээд орж ирж байгаа шүү дээ. Крантны ус, цэвэр ус хоёрыг харьцуулан шинжилж үзүүлье. Хамгийн энгийн шинжилгээ хийх багажнууд надад байдаг юм.

Манай шүүлтүүрээс гардаг цэвэр усыг TDS – метр ( Total dissolved salts, ууссан давсны нийт хэмжээ) гэдэг багажаар хэмжихэд 002 гэж зааж байна. Нэг литр усанд 2 мг бохирдол байна гэсэн үг. Одоо крантны усаа хэмжье: 043 байна. Гэхдээ энэ бол дажгүй цэвэр ус шүү. /Манайх 15 –р хороололд байдаг юм. Хотын төвөөр 90 орчим, 120 мянгат, 3, 4, 19 –р хороолол 180 орчим,1 – р хорооллоор 220 орчим байдаг/.

43 – тай ус, 200 – тай ус хоёрыг цааш нь шинжилье. Электролиз хийх замаар усанд ууссан байгаа бодисыг ялгаруулахад ийм болж байна. 43 – тай ус үл ялиг шарласан харагдана - жаахан хэмжээний зэв байна гэсэн үг. Харин 200 – тай уснаас их хэмжээний зэв, хөх ногоон өнгөтэйг нь бодвол зэсийн байван байх, өөр бас юу ч байгаа юм, чөтгөр бүү мэд, тэгээд бас дээр нь нефть бүтээгдхүүний гаралтай бололтой солонгорсон тос харагдаж байна. Энэ бүхэн бидний организмд тарж байдаг байх нь. Тодорхой хэсэг нь гадагшаа гарч л байгаа л даа, гэхдээ хангалттай хэмжээгээр үлдэн цугларсаар дээр ярьсан байдалд хүргэдэг байж таарна.

Ийм л мэдээг хүргэх гэсэн юм. Мэдээжийн юм ярьж чилээсэн бол уучлаарай!

P.S. Эрүүл амьдралын хоёрдахь хүчин зүйл – цэвэр агаарыг бас хялбархан бүрдүүлж, олон өвчнөөс салж болох тухай хуваалцах туршлага бас байгаа шүү. Үгүй ээ, агаараа шүүх биш, дотогшоогоо уух замаар.Үгүй ээ, сүлжээний үнэтэй бэлдмэл биш. Зочид маань хүсвэл бас нэг “лекц” тавьж болноо...

Ё. Одончимэг, www.orosshkolton.mn